ԵՐԵՎԱՆ, 28 հոկտեմբերի — Sputnik. Աշխարհի առաջին ռակետ, իսպանացի Ռաֆայել Նադալը 100-ամյա երկրպագու Ֆելիսե Մունյոսին ուղարկել է իր լուսանկարը` մակագրությամբ, հայտնում է armsport-ը՝ հղում անելով AS-ին:
20 հոկտեմբերի 2017, 09:13
Երկրպագուի պատմությունը հրապարակվել է իսպանական մամուլում Նադալի` «US Open 2017»-ում հաղթելուց հետո։
«Ինձ դուր է գալիս ոչ միայն Ռաֆայելի խաղը, այլև նրա պահվածքը կորտում: Նա միշտ զուսպ է, հանգիստ, կարողանում է ընդունել պարտությունը:
Ֆեդերերը ևս ինձ դուր է գալիս, իսկ Ջոկովիչը` ոչ այնքան, քանի որ նա միշտ չէ, որ կարողանում է զսպել էմոցիաները, հաճախ է կոտրում ռակետները: Ռաֆայելը երբեք այդպիսի բան չի անում»,- ասել է Մունյոսը:
