ԵՐԵՎԱՆ, 30 հոկտեմբերի — Sputnik. Հանրահայտ հումորիստ և շոումեն Գարիկ Մարտիրոսյանի կինը` Ժաննա Լևինա-Մարտիրոսյանը, տարօրինակ երազ է տեսել, որի «հերոսները» եղել են ռուսական բոմոնդի գրեթե բոլոր ներկայացուցիչները, այդ թվում` «մորուքավոր հայն» ու ֆուտբոլիստ Արշավինի նախկին կինը։
Լևինան Instagram-ի իր էջում տեսանյութ է հրապարակել և մեկնաբանել այն։
«2000 թվականի հինգշաբթի լույս ուրբաթ գիշերը ինձ արթնացրեց Գարիկն ու հարցրեց` արդեն մեկ ժամ է` քնիդ մեջ ծիծաղում ես, ի՞նչ է պատահել։ Ես Գարիկին պատմեցի, որ մարազմատիկ երազ եմ տեսել։ Ժյուրիի կազմում էի փոքրիկ «մորուքավոր» հայի հետ, որը նման էր Սոչիի №8 դպրոցի մորուքավոր տղային, ապագա ֆուտբոլիստի ապագա կնոջ, «Երալաշի» դերասանի», Աշխարհի և Եվրոպայի չեմպիոն Իլյա Ավերբուխի ու զինվորականի հետ»,- գրել է Ժաննան։
«Այսօր` 2017 թվականի հոկտեմբերի 29-ին, «Օլիմպիսկիում» «Ռոբոտների մրցումներ» կազմակերպիչների հրավերով ես ժյուրիի կազմում էի հիասքանչ Միխայիլ Գալուստյանի, Արշավինի նախկին կնոջ` հմայիչ Յուլյա Բարանովսկայայի, տաղանդավոր դերասան Վլադիմիր Սիչևի, տաղանդաշատ գեղասահորդ Իլյա Ավերբուխի և զինվորականի հետ»,- գրել է նա։
Ժաննան պատմել է երազի մեկ այլ զավեշտալի դրվագի մասին։
Ժաննային բարձրախոս են տվել «Էլեկտրոնիկի արկածները» ֆիլմի երգը կատարելու համար։ Նա երգել է «До чего дошёл прогресс»-ը։ Մորուքավորը բոլորին խնդրել է հասկանալ ու ներել Ժաննային, իսկ Արշավինի ապագա կինը խորհուրդ է տվել, թե ինչպես հաղթահարի իր խայտառակությունը։
