ԵՐԵՎԱՆ, 23 հոկտեմբերի-Sputnik. ՌԴ Արմավիր քաղաքի իրավապահ մարմինները քրեական գործով, որից երկու տղամարդ զոհվել է, կասկածյալին հայտնաբերել են: Դա 37-ամյա Դենիս Շևչենկոն է, հաղորդում է news-r.ru.- ն:
Հոկտեմբերի 19-ին Կուբանի Արմավիրում հնչեցին կրակոցներ, որոնց արդյունքում զոհվեց երկու տղամարդ`27-ամյա Միսակը և 28-ամյա Ռուսլանը: Առաջինը գլխի վնասվածքներից տեղում մահացել է, երկրորդը կրծքավանդակի հրազենային վնասվածքից՝ հիվանդանոցում: Երրորդ զոհը`38-ամյա Ռուսլանը, որը ծնկի վնասվածք է ստացել, վիրահատվել է, նրա կյանքին վտանգ չի սպառնում: Հարուցվել է քրեական գործ երկու անձանց սպանության և սպանության փորձի համար:
ՌԴ ՔԿ Կրասնոդարի երկրամասի քննչական բաժնի տվյալներով՝ կասկածյալները գնացել են փակ սրճարան, որտեղ առնվազն 5 անգամ կրակել են երեք տղամարդկանց վրա, որից հետո հեռացել են:
Ավելի վաղ հետաքննությունը պարզել է, որ հանցագործության մեջ ներգրավված են եղել 1974 և 1975 թ.թ. ծնված տեղի բնակիչներ Գագիկ Եսայանը և Սերգեյ Էլիզարյանցը: Նրանք հետախուզման մեջ են, միջոցներ են ձեռնարկվում նրանց գտնվելու վայրը բացահայտելու համար:
Որոշ տվյալների համաձայն՝ սպանության պատճառը կարող է լինել բիզնեսը։
Հետաքննությունը պարզում է հանցագործության հանգամանքները: Քրեական գործի քննությունը շարունակվում է:
