ԵՐԵՎԱՆ, 21 հոկտեմբերի — Sputnik. Հայ գեղասահորդուհի Անաստասիա Գալուստյանը որոշել է ավարտել այս մրցաշրջանը Մոսկվայի Գրան պրի մրցաշարի ավարտից հետո:
Գալուստյանը շաբաթ օրը Մոսկվայի մրցաշարում կատարեց ազատ ծրագիրը՝ ստանալով 106.80 միավոր: Դա լավագույն արդյունքն է նրա կարիերայի ընթացքում, որը կարճ ծրագրից հետո վերջին տեղն էր զբաղեցնում: Սեպտեմբերի վերջին Հայաստանի գեղասահորդը ձախողվեց Օբերստդորֆի որակավորման մրցաշարում և չստացավ օլիմպիական խաղերին մասնակցելու ուղեգիր:
«Սա վերջին ստարտն էր, ես որոշեցի ավարտել մրցաշրջանը: Ոչ մի տեղաշարժեր չկան, ես ամեն անգամ անհաջող եմ սահում: Այս տարի կարճ ծրագրում ոչ մի անգամ մաքուր չսահեցի: Ես ուզում եմ փոխել ինչ-որ բան, որպեսզի այլևս դատարկ չսահեմ»,- ասաց Գալուստյանը R-Sport-ի հետ հարցազրույցում:
Մոսկվայում ազատ ծրագրի մաքուր սահքը գեղասահորդը բացատրեց նրանով, որ նա «բաց էր թողել» ինքն իրեն:
«Սահում էի հաճույքով, ստացվեց իմ կարիերայի լավագույն արդյունքը: Բայց չեմ մտափոխվի, ես վաղուց եմ դա որոշել»,- ավելացրեց Գալուստյանը:
«Պարզապես, ուզում եմ դադար վերցնել, գուցե հետո նոր շունչ կունենամ: Բայց իմ կարիերայի ավարտի մասին խոսք չկա: Եթե լուրջ վնասվածք ստացած լինեի, ապա՝ այո, բայց միայն ոտքս է ցավում»,- բացատրեց մարզիկը:
Ավելի վաղ Գալուստյանը ելույթ էր ունենում Ռուսաստանի կողմից, մասնավորապես, երիտասարդ գեղասահորդների շարքում 2009 թ. Մոսկվայի առաջնության հաղթող էր:
