ԵՐԵՎԱՆ, 22 հոկտեմբերի — Sputnik. 2017-18 մրցաշրջանի գեղասահքի Ռուսաստանի գրան պրիի Մոսկվայի փուլի հաղթող Եվգենիա Մեդվեդևան (հոր կողմից՝ Բաբասյան) սահադաշտում հայտարարել է, որ հեգնանքով է վերաբերվում իր ելույթի ժամանակ վայր ընկնելուն:
«Սխալներ պատահում են… Սովորաբար, երբ ես սխալվում եմ, շատ եմ մտահոգվում, հատկապես, երբ գիտեմ իմ թույլ կողմերը և տխրում եմ դրանից, բայց այս սխալն անկանխատեսելի էր, և ես շատ հեգնանքով եմ դրան վերաբերվում: Կանեմ ամեն ինչ, որ նման բան կրկին տեղի չունենա»,- Մեդվեդևայի խոսքերը մեջբերում է «R-Sport»- ը:
Մեդվեդևան կարծում է, որ ընկնելն իր օգտին կլինի:
«Որովհետև ուղեղն անջատել չի կարելի», — ծիծաղով պատասխանել է Մեդվեդևան։- «Ինքս ինձ թուլացրեցի, իսկ դա չի կարելի անել: Առավել ափսոսալին այն է, երբ վերջին թռիչքային տարրը մաքուր սահելուց հետո դու ընկնում ես կամ «սխալվում»: Ես այսօր պատրաստ էի ներկայացնել առավելագույնը, բայց ինչ-որ բան սխալ գնաց»։
17-ամյա մարզիկը կարճ և ազատ ծրագրերի արդյունքների ընդհանուր հաշվով հավաքել է 231,21 միավոր: Ազատ ծրագրի ավարտին նա անսպասելի կրկնակի թռիչքից վայր ընկավ, բայց դա չխանգարեց հաղթող դառնալ: Եվգենիան հանդես եկավ Լև Տոլստոյի նույնանուն վեպից Աննա Կարենինայիի դերով:
Այս մրցաշարում ռուս գեղասահորդները նվաճեցին յոթ մեդալ:
