ԵՐԵՎԱՆ, 10 հոկտեմբերի — Sputnik. Հայաստանի Կոտայքի մարզում գտնվող հայտնի հանգստավայր Ծաղկաձորն ԱՊՀ երկրների ցանկում 2017-2018 թվականների ձմեռային հանգստի ամենապահանջված ուղղություններից մեկն է։ Այս մասին գրում է «ՏուրսՏատ» գործակալությունը, որը կազմել է ԱՊՀ երկրների լեռանային հանգստավայրերի ցանկը։
ԱՊՀ երկրների ձմեռային հանգստավայրերի լավագույն տասնյակում Հայաստանը հայտնվել է չորրորդ հորիզոնականում։ Վարկանիշը կազմվել է 2017 թվականի դեկտեմբերի 1+-ից մինչև 2017 թվականի փետրվարի 28-ն ընկած ժամանակահատվածում իրականացված առցանց ամրագրումների տվյալների հիման վրա։
Ձմեռային հանգստավայրերի լավագույն տասնյակում են ընդգրկվել Չիմբուլակը (Ղազախստան), Շահդագը (Ադրբեջան), Սիլիչին (Բելառուս), Ծաղկաձորը (Հայաստան), Չիմգանը (Ուզբեկստան), Կարակոլը (Ղրղզստան), Լոգոյսկը (Բելառուս), Տուֆանդագը (Ադրբեջան), Ալթայի Ալպերը (Ղազախստան) և Յակուտյան լեռները (Բելառուս):
Վերջին տարիներին լեռնադահուկային այս հանգստավայրը սկսել է ավելի շատ գրավել հանգստացողների ուշադրությունը: Այստեղ կարելի է դահուկ և սնոուբորդ քշել:
Քաղաքի անբաժանելի մասն է կազմում ճոպանուղին, որի 5 կայանները կառուցվել են 2004-2007 թթ. ընթացքում։
