ԵՐԵՎԱՆ, 2 հոկտեմբերի — Sputnik. Հայաստանի ֆուտբոլի ազգային հավաքականը պատրաստվում է Հայաստան-Լեհաստան և Ղազախստան-Հայաստան հանդիպումներին։ Այս մասին հայտնում է Հայաստանի ֆուտբոլի ֆեդերացիան։
Հոկտեմբերի 5-ին, ժամը 20:00-ին Վազգեն Սարգսյանի անվան «Հանրապետական» մարզադաշտում, կկայանա Աշխարհի 2018 թ. առաջնության ընտրական փուլի Հայաստան-Լեհաստան հանդիպումը, իսկ հոկտեմբերի 8-ին՝ ժամը 20:00-ին, Աստանայի «Աստանա Արենա» մարզադաշտում՝ Աշխարհի 2018 թ. առաջնության ընտրական փուլի Ղազախստան-Հայաստան հանդիպումը:
Նախապատրաստվելով այդ հանդիպումներին՝ Հայաստանի ազգային հավաքականն այսօր՝ հոկտեմբերի 2-ին սկսեց մարզական հավաքը ՀՖՖ Տեխնիկական կենտրոն/Ֆուտբոլի ակադեմիայում:
Հայաստանի ազգային հավաքականը նաև անցկացրեց առաջին մարզումը հետևյալ կազմով՝
Դարպասապահներ` Գրիգոր Մելիքսեթյանը («Գանձասար-Կապան»), Արսեն Բեգլարյանը («Ալաշկերտ»), Գոռ Մանուկյանը («Փյունիկ»)։
Պաշտպաններ` Տարոն Ոսկանյանը («Նեա Սալամիս». Կիպրոս), Վարազդատ Հարոյանը («Ուրալ». Ռուսաստան), Գաել Անդոնյանը, («Օլիմպիկ». Մարսել, Ֆրանսիա), Կամո Հովհաննիսյանը, («Տորպեդո-Բելազ». Բելառուս), Գագիկ Դաղբաշյանը («Ալաշկերտ»), Արտյոմ Միքայելյանը («Շիրակ»), Ռոբերտ Դարբինյանը («Շիրակ»)։
Կիսապաշտպաններ` Հենրիխ Մխիթարյանը, («Մանչեսթեր Յունայթեդ» (Անգլիա), Դավիթ Մանոյանը («Նեա Սալամիս» (Կիպրոս), Մարկոս Պիզզելլին («Ալ-Շաբաբ» (Սաուդյան Արաբիա), Էդգար Մանուչարյանը («Ուրալ» (Ռուսաստան), Արտակ Եդիգարյանը («Ալաշկերտ»), Արտակ Գրիգորյանը («Ալաշկերտ»), Արտյոմ Սիմոնյանը («Ալաշկերտ»)։
Հարձակվողներ` Ռուսլան Կորյանը («ԲՄԱ-Խաբարովսկ». Ռուսաստան), Սարգիս Ադամյանը, («Յան Ռեգենսբուրգ». Գերմանիա)։
Գեղամ Ղադիմյանը և Մալաքյան եղբայրները հավաքականին կմիանա այսօր երեկոյան, իսկ Հովհաննես Համբարձումյանը և Տիգրան Բարսեղյանը` հոկտեմբերի 3-ի առավոտյան:
