ԵՐԵՎԱՆ, 21 սեպտեմբերի – Sputnik. Տրիբունայի հարթակում գործող «Король и шут» բլոգը կազմել է ռուսական ֆուտբոլի «ամենագլխավոր հայերի» ցուցակը։
Վարազդատ Հարոյան. «Ուրալի» պաշտպան
Հայաստանի հավաքականի պաշտպանը կարող էր հայտնվել Ռուսաստանում դեռևս 2014 թվականին, բայց «Ռոստովը» չկարողացավ «Փյունիկի» հետ պայմանավորվել։ Ռուսաստանի ֆուտբոլի առաջնությանը Հարոյանը հասել է 2017թ.–ի հուլիսին իրանական «Փադիդեհ» ակումբի միջոցով։ «Ուրալի» կազմում երրորդ խաղի ժամանակ Վարազդատը հարվածել է «Կրասնոդարի» դարպասին։ Քիչ էր մնացել, որ այդ հարվածը հաղթական դառնար։
Ռուսլան Կորյան. «ՍԿԱ-Խաբարովսկի» հարձակվող
2000–ականների կեսերին Ռուսլանը խաղում էր Դոնեցկի «Օլիմպիկի» ու Կիևի «Դինամոյի» երրորդ թիմի կազմում, հետո մեկնեց Ռուսաստանը «գրավելու»` Սլովակիայի ու Ուզբեկստանի առաջնություններում կարճատև դադարներ անելով։ Կորյանը եղել է «Սոչիում», «Մորդովիայում» ու Ռոստովի ՍԿԱ–ում, բայց հաջողությունների է հասել Հեռավոր արևելքում։ «Լուչ–Էներգիայի» կազմում նա երկրորդ դիվիզիոնից դուրս է եկել Ֆուտբոլի ազգային լիգա, «ՍԿԱ – Խաբարովսկի» հետ Ֆուտբոլի ազգային լիգայից հասել է պրեմիեր լիգա։
Էդգար Մանուչարյան. «Ուրալի» հարձակվող
Երեսուն տարեկանում Մանուչարյանը հասցրել էր խաղալ «Այաքս» թիմում ու Թաիլանդի առաջնությունում առանձնացել է վեց հարվածով։ Վերջին վեց տարվա ընթացքում (կարճ դադարով) Էդգարn աչքի է ընկնում «Ուրալի» կազմում։ Ռուսաստանի գավաթի վերջին եզրափակiչում նա մասնակցել է «Լոկոմոտիվի» հետ պայքարին։
Ալեքսանդր Միրզոյան. Ռուսաստանի ֆուտբոլի վետերանների միության նախագահ, Ռուսաստանի ֆուտբոլային միության հսկիչ կոմիտեի անդամ
Ալեքսանդրը խաղացել է «Նեֆթչիի», «Արարատի» ու «Սպարտակի» կազմում։ Վերջինի կազմում դարձել է ԽՍՀՄ չեմպիոն։ Նա մեկ-երկու խաղ է խաղացել հավաքականի կազմում։ Կարիերայի ավարտից հետո Միրզոյանը մի փոքր աշխատել է որպես մարզիչ, իսկ հետո վարչական աշխատանքի անցել Ֆուտբոլի ռուսական միությունում։
Անդրեյ Մովսեսյան. ԲԿՄԱ–ի սկաուտ
Անդրեյը ծնվել է Մոսկվայում ու անցել «Սպարտակի» դպրոցը։ Նրան չի հաջողվել գլխավոր թիմին հասնել, մեծ ֆուտբոլում Մովսեսյանը սկսել է հանդես գալ արդեն ԲԿՄԱ–ում։
Կարիերայի լավագույն տարիները հարձակվողն անցկացրել է ակումբերում, որոնք արդեն վաղուց պրեմիեր լիգայում չկան` «Սատուրն» ու «Մոսկվա»։ Ավարտելով խաղը` Մովսեսյանը վերադարձավ ԲԿՄԱ, որտեղ սկսեց զբաղվել նոր տաղանդներ փնտրելով։
Սարգիս Հովհաննիսյան. «Լոկոմոտիվի» մարզիչ
Երևանյան «Արարատի» աշակերտը Ռուսաստանում արծաթե ու բրոնզե մեդալների մեծ հավաքածու ունի` «Դոմինոյի» ու «Լոկոմոտիվի» կազմում։ «Լոկոյի» կազմում Հովհաննիսյանը ստացել է Ռուսաստանի գավաթն ու խաղացել Գավաթների գավաթի 1998 կիսաեզրափակիչում։
Իվան Դանիելյանց. «Ռուբինի» ավագ մարզիչ
Դանիելյանցի խաղային կարիերան բաժանվել է Աշխաբադի «Ստրոիտելի» ու Քիշնևի «Նիստրու» միջև։ Հենց Մոլդովայում էլ նա սկսել է մարզվել, հետո Ավստրիա է գնացել` հմտությունները փոխանցելու։ Ծագումով աշխաբադցին նաև ավստրիական քաղաքացիություն է ստացել։ Կարճ ժամանակ աշխատելով որպես Մոլդովայի հավաքականի ու «Շերիֆի» գլխավոր մարզիչ` Դանիելյանցը Մոլդովայում անցել է վարչական գործունեության։ Այնտեղից էլ մեր հայրենակցին նկատել է Բերդիևը` նշանակելով «ռուբինյան» երիտասարդների պատրաստության կենտրոնի տնօրեն։ Բերդիևից հետո Դանիելյանցն անցել է «Ռոստով»` որպես ֆորմալ գլխավոր մարզիչ, ապա վերադարձել «Ռուբին»։
Արթուր Գրիգորյան. Ռուսաստանի ֆուտբոլային միության հսկիչ կոմիտեի նախագահ
Գրեթե հինգ տարի է` Գրիգորյանը ղեկավարում է ռուսական ֆուտբոլի «ինկվիզիցիան»։ Բոլոր որակազրկումները, տուգանքներն ու մնացած պատժամիջոցները գրում է հենց նրա ղեկավարած տեսչությունը։
Արտաշես Հարությունյանց. «Ռոստովի» նախագահ
Ռոստովի մարզի Օրենսդիր ժողովի պատգամավորը, «Южный капитал» ներդրումային ընկերության գլխավոր տնօրենը հունիսի նշանակվել է «Ռոստովի» նախագահ։ «Իզվեստիան» հայտնում է, որ Հարությունյանցը գաղտնի համագործակցել է ակումբի հետ դրանից դեռևս մի տարի առաջ` սպասելով, թե ինչով կավարտվի Բերդիևի հակամարտությունը ղեկավարության հետ։
Արամ Գաբրիելյանով. «Արարատի» սեփականատեր
Արամ Գաբրիելյանովն ամբողջ կյանքի ընթացքում այնպես է արել, որ մենք չձանձրանանք։ Նա է սկիզբ է դրել «Жизнь» թերթին ու Life.ru–ին։ Գաբրիելյանովը ներդրումներ է կատարում YouTube–ի Mash և «Ջուկո շոուն» ալիքների համար։ Սեպտեմբերին Գաբրիելյանովը դարձավ աղմուկ հանած «Արարատի» փաստացի սեփականատերը։ Թեև դրանից առաջ էլ ոչ ոք չէր կասկածում` ով է դրա հետևում կանգնած։
Նոբել Առուստամյան. մեկնաբան, ինսայդեր
Նոբել Առուստամյանի իսնայդները մեմ են դարձել։ Ընդ որում` շատերը կարծում են, որ Առուստամյանը տրանսֆերների վերաբերյալ երիցուկի վրա է գուշակություններ անում, ոչ թե ստույգ աղբյուրներից է իմանում։ Թերևս ոչ մի լրագրող ֆուտբոլային շրջանում այսքան լայն շրջապատ չի ունեցել։ Նոբելը ընդգծված քաղաքավարի է բոլորի հետ, ոչ ոքի հետ վիճաբանության մեջ չի մտնում։ Դրա փոխարեն նա ինսայդերների հետ շփում է ստանում։
Ալեքսանդր Գրիգորյան. «Արարատի» գլխավոր մարզիչ
Գրիգորյանի մարզչական կարիերան սկսվել է կանանց ֆուտբոլում։ Նա չորս անգամ Ռուսաստանի չեմպիոն է դարձել, խաղացել է կանանց Չեմպիոնների լիգայում, Պերմի «Զվեզդայի» հետ։ 2009 թվականին Գրիգորյանը եկել է «Նիժնի Նովգորոդ», որի հետ առաջին դիվիզիոնի երրորդ տեղն է զբաղեցրել։ Մինչ 2017 թվականի հունվարն Ալեքսանդրը Ֆուտբոլի ազգային լիգայում էր, իսկ հետո անցավ «Անժի»։
Խորհրդային ֆուտբոլի լեգենդ, Մելբուրնի օլիմպիական չեմպիոն, որը «Սպարտակի» հետ և՛ որպես խաղացող, և՛ որպես մարզիչ հաղթել է ԽՍՀՄ առաջնություններում։ Սիմոնյանը միակ մարզիչն է, որը «Արարատին» չեմպիոն է դարձրել։ Վերջին տարիներին 90–ամյա Սիմոնյանը վարչական աշխատող է դարձել։
Սերգեյ Գալիցկի (Հարությունյան). «Կրասնոդարի» սեփականատեր
Գրեթե տասը տարի է Գալիցկինը զբաղված է Կրասնոդարը ֆուտբոլային մայրաքաղաք դարձնելով։
«Եթե հետաքրքրված եք արյունիս բաղադրությամբ` ապա 75 տոկոսով ռուս եմ, իսկ 25–ով` հայ։ Եթե հետաքրքրված եք իմ տոհմածառով`ես հպարտությամբ հայ կլինեի։ Սակայն մայրս ռուս է` Յարոսլավից, իսկ հայրս` կիսով չափ ռուս է, կիսով չափ հայ։ Լավ է դա, թե վատ` չգիտեմ։ Ես ծնվել եմ այն ժամանակ, երբ ազգությունը կարևոր չէր։ Ու ես շարունակում եմ այդպիսի աշխարհում ապրել», – ասել է Գալիցկինը Sports.ru–ի հետ հարցազրույցում։
