ԵՐԵՎԱՆ, 1 հոկտեմբերի — Sputnik. Սոցցանցերում կարելի է գտնել ֆիթնեսի սիրահարներ աղջիկների տեղադրած լուսանկարներն ու տեսանյութերը, հայտնիներն էլ`բացառություն չեն, նրանք էլ են սիրում ցույց տալ իրենց բարեկազմ մարմինն ու լավ ֆիզիկական տվյալները` տեղադրելով ձիգ ոտքերն ու որովայնը ցուցադրող լուսանկարներ:
Ֆիթնեսի սիրահարների համար ռուսերենում նույնիսկ հատուկ տերմին են հորինել` «фитоняшки»: Sputnik Արմենիան ներկայացնում է իրենց կազմվածքին հետևող և համացանցում ֆիթնես պարապմունքների իրենց լուսանկարները հրապարակող հայտնի հայուհիների հնգյակը:
Նազենի Հովհաննիսյան
Հեռուստահաղորդավարուհի, դերասանուհի, մոդել Նազենի Հովհաննիսյանը միշտ առանձնացել է իր բարեկազմ արտաքինով: Երբեմն, նա սոցցանցերում տեղադրում է ֆիթնես ակումբում իր պարապմունքների ժամանակ սպորտային հագուստով արված լուսանկարները:
Սոֆի Մխեյան
Հայտնի հայ երգչուհին նույնպես առողջ ապրելակերպ է քարոզում: Անկախ գերհագեցած առօրյայից, Սոֆին ժամանակ գտնում է իրենով զբաղվելու համար, ֆիզիկական վարժություններն օգնում են նրան պահպանել ձիգ կեցվածքն ու միշտ ժպտալ:
Տատյանա Գևորգյան
Ռուսաստանում հայտնի հեռուստահաղորդավարուհին նույնպես շատ հագեցած առօրյա ունի: Սակայն փորձում է ժամանակ գտնել գեղեցկությունը պահպանող հատուկ պրոցեդուրաների համար: Հարցազրույցներից մեկի ժամանակ նա խոստովանել էր, որ Մոսկվայի բարդ լոգիստիկայի պատճառով ստիպված է լինում բաց թողնել սպորտային պարապմունքներն ու «բյութի-պրոցեդուրաների» դասընթացները:
Վերջերս Instagram-ի իր էջում նա լուսանկար է հրապարակել`տակը գրելով` «իմաստալից վազք»:
Ջոաննա Ռիվա Կարապետյան
Երկար ոտքեր ունեցող կանաչաչյա շիկահերը հազարավոր աղջիկների կուռքն է: Ուրուգվայի հայուհին մոդելային բիզնեսում է, երեք լեզուների է տիրապետում (իսպաներեն, հայերեն, անգլերեն), ինչպես նաև Miss Universe Uruguay-2014 մրցանակակիրն է: Նա հաճախ է ցուցադրում իր բարեկազմ արտաքինը Instagram-ի իր էջում, լուսանկարներ է հրապարակում` ցուցադրելով իր սերը ֆիթնեսի նկատմամբ։
Եվա Ռիվաս
Ռուսաստանաբնակ հայ երգչուհի, «Եվրատեսիլ 2010» մասնակից Եվա Ռիվասը չի բավարարվում ձեռք բերվածով: Երկար ոտքեր ունեցող հայուհին անդադար պարապում է`պահպանելով ֆիզիկական լավ տվյալները: Կար ժամանակ, երբ Եվան քաշ էր հավաքել և որոշեց պայքարել դրա դեմ:
Ռիվասը նույնիսկ մեկ միլիոն ռուբլի շահեց` նիհարելուն նվիրված հայտնի նախագծերից մեկի ժամանակ: Նա իր հետևորդներին ներկայացնում է պարապմունքների ժամանակ արված լուսանկարներն և տեսանյութերը:
