ԵՐԵՎԱՆ, 5 սեպտեմբերի – Sputnik. Ռուս սահմանապահները ձերբակալել են բեռնատար մեքենայի վարորդի, որը փորձում էր ապօրինի Հայաստան անցկացնել էլեկտրական սարքավորումներ։
«Մեղրու սահմանապահ ջոկատի զինծառայողներն «Ագարակ» անցակետում ձերբակալել են սահմանախախտի, որը բեռնատար մեքենայով փորձում էր ապօրինի Հայաստան բերել ապրանք, որը ենթակա չէ իրացման երկրի տարածքում»,– ասվում է հաղորդագրության մեջ։
Փոխադրամիջոցի զննման ընթացքում սահմանապահները գտել են իրեր էլեկտրական ցանցերի սարքավորման համար։ Նախնական տվյալների համաձայն` բացահայտված ապրանքի արժեքը կազմում է մոտ 1 միլիոն 350 հազար դրամ։
Թուրքիայի (330 կմ) և Իրանի (45 կմ) հետ Հայաստանի պետական սահմանի պահպանումն իրականացնում է Ռուսաստանի ԱԴԾ սահմանապահ վարչությունը։ Հայաստանում Ռուսաստանի ԱԴԾ սահմանապահ վարչության մեջ մտնում են չորս սահմանապահ ջոկատներ, որոնք տեղակայված են Գյումրիում, Արմավիրում, Արտաշատում և Մեղրիում, ինչպես նաև առանձին հսկիչ անցակետեր Երևանի «Զվարթնոց» միջազգային օդանավակայանում։
