ԵՐԵՎԱՆ, 16 մարտի — Sputnik. Հայաստանում ՌԴ ԱԴԾ Սահմանային վարչության աշխատակիցները սահմանային ռեժիմը խախտողի են ձերբակալել, որն անօրինական կերպով գտնվում էր հայ-իրանական սահմանի մոտ, հաղորդում է ՀՀ-ում ՌԴ ԱԴԾ Սահմանային վարչության մամուլի ծառայությունը։
Այսպես, «Ագարակ» անցակետում գիշերը անհայտ անձը Հայաստանից դուրս գալիս Սիրիայի քաղաքացու անձնագիր է ներկայացրել։
«Սահմանապահը փաստաթուղթն ուսումնասիրելիս հայտնաբերեց, որ այն կեղծ է։ մանրակրկիտ զննության ժամանակ պարզ դարձավ, որ խախտողը փոխել է փաստաթղթի տիրոջ անձնական տվյալների էջը», — ասվում է հաղորդագրության մեջ։
Մեղրու սահմանապահ ջոկատի զինծառայողը, ով հայտնաբերել է խախտողին, ղեկավարության կողմից կխրախուսվի։
Ավելի վաղ մարտի 14-ին օպերատիվ գործողությունների արդյունքում հայ-թուրքական սահմանին ձերբակալվել էր հոգեկան հիվանդություն ունեցող Բելառուսի քաղաքացի։ Տղամարդը տեղի բնակիչներից հետաքրքրվում էր, թե ինչպես կարող է գնալ Թուրքիա` Սև ծովի ափին հանգստանալու։
