ԵՐԵՎԱՆ, 3 սեպտեմբերի — Sputnik. Հայաստանի երեք ներկայացուցիչներից երկուսը Թբիլիսիում ընթացող շախմատի աշխարհի գավաթին ավարտեցին առաջին տուրի իրենց պարտիաները: Լևոն Արոնյանը հաղթանակ տարավ հարավաֆրիկացի Դանիել Կաուդերի նկատմամբ, իսկ Ռոբերտ Հովհաննիսյանը ոչ ոքի խաղաց իսրայելացի Մաքսիմ Ռոդշտեյնի հետ:
Մեր երկրի երրորդ ներկայացուցիչը` գրոսմայստեր Հրանտ Մելքումյանը շարունակում է պայքարը: Նրա մրցակիցն է ռուս Բորիս Գրաչովը:
Աշխարհի գավաթին մասնակցում է 128 շախմատիստ:
Մրցաշարի բոլոր փուլերում, բացի եզրափակչից, մրցակիցները կխաղան երկու պարտիա: Ոչ ոքի խաղալու դեպքում կանցկացվեն կարճեցված ժամանակով պարտիաներ: Եզրափակչում կխաղացվի չորս պարտիա:
Աշխարհի գավաթի խաղարկության եզրափակչի մասնակիցները հավակնորդների մրցաշարի ուղեգիր կստանան: Աշխարհի առաջնությունը կավարտվի սեպտեմբերի 27-ին:
