ԵՐԵՎԱՆ, 2 օգոստոսի — Sputnik. Հայաստանի երկու քաղաքացի տուժել են Նոր Մոսկվայում՝ Կոմունարկայում տեղի ունեցած ծեծկռտուքի ժամանակ, հայտնում է Ռուսաստանում ՀՀ դեսպանատան պաշտոնական էջը:
2 օգոստոսի 2017, 16:33
Տուժածները ստացել են ուղեղի ցնցում և փափուկ հյուսվածքների վնասվածք: Նրանց ցուցաբերվել է առաջին օգնություն, հայտնում է ՀՀ դիվանագիտական առաքելությունը:
Ծեծկռտուքին մասնակցել է ՀՀ 9 քաղաքացի, 1 քաղաքացի Վրաստանից և 43 քաղաքացի Ուզբեկստանից:
Ծեծկռտուքի մասնակիցներն օգտագործել են մուրճեր, բահեր և շինարարական այլ գործիքներ։
Զանգվածային ծեծկռտուքը Հայաստանից և Ուզբեկստանից շինարարների մասնակցությամբ տեղի է ունեցել Կոմունարկայի «Բունինսկի լուգա» բնակելի համալիրի շինհրապարակում:
