ԵՐԵՎԱՆ, 2 օգոստոսի — Sputnik. Զանգվածային ծեծկռտուքը Հայաստանից ու Ուզբեկստանից մոտ 40 միգրանտի մասնակցությամբ տեղի է ունեցել «Բունինսկիե լուգա» բնակելի համալիրի շինարարական հրապարակում Կոմունարկի շրջանում, ծեծկռտոցի մասնակիցները հարվածել են միմյանց բահերով, արմատուրայով ու կռաններով, հայտնում է ՌԻԱ Նովոստին։
Արտաքին գործերի նախարարության մամուլի ծառայության տվյալների համաձայն` վեց մարդ տուժել է։
«Դեպքի վայր ժամանած ոստիկանները պարզել են, որ տեղի է ունեցել վեճ շինարարական օբյեկտի երկու բրիգադների միջև, որի ընթացքում միմյանց վնասվածքներն են հասցրել։ Վիճաբանության հետևանքով վեց մարդ մարմնական վնասվածք է ստացել և օգնություն ստանալու համար տեղափոխվել են բուժհաստատություններ»,– ասել է գործակալության զրուցակիցը։
Նրա խոսքով` վեճը ծագել է այն պատճառով, որ գործընկերները սկսել են տանիքից աղբ նետել։ Ոստիկանությունում նաև հայտնել են, որ տվյալ փաստով քրեական գործ է հարուցվել` խուլիգանություն հոդվածով։
