ԵՐԵՎԱՆ, 21 մայիսի — Sputnik. «Պետերբեւրգի հայկական ձայն» մրցույթի եզրափակիչ փուլը կկայանա մայիսի 25-ին, Ռուսաստանի հյուսիսային մայրաքաղաքում՝ Սանկտ Պետերբուրգում: Պետերբուրգի հայկական ձայն դառնալու համար պայքարում է 10 մասնակից, որոնք ընտրվել են լսումների միջոցով, գրում է "Национальный акцент"(«Ազգային ակցենտը»):
Սա հայկական «Նոր սերունդ» ընկերության կողմից կազմակերպված ամենամասսայական միջոցառումն է անցնող տարվա ընթացքում:
Կազմակերպիչների խոսքով՝ միջոցառումը բաղկացած է 2 մասից՝ 1-ին փուլում մասնակիցները ժյուրիի դատին կներկայացնեն իրենց համարները, իսկ 2-րդում Սանկտ Պետերբուրգի «Նաիրի», «Նոյան» և «Զարթոնք» ազգային պարերի խմբերը հյուրերին կներկայացնեն հայկական ազգային պարերի ընտրանին:
Մրցույթի մասնակիցների թվում են երաժիշտներ, ինժեներներ, մանկավարժներ և աշակերտներ:
«Պետերբեւրգի հայկական ձայն» մրցույթն անցկացվում է ՌԴ-ում հայկական համայքնի և Սանկտ Պետերբուրգում հայ առաքելական եկեղեցու օժանդակությամբ: Այն նպատակ ունի պահպանել ու տարածել ազգային ավադույթները, գտնել տաղանդավոր երիտասարդների և նրանց ներկայացնել հանրությանը:
