ԵՐԵՎԱՆ, 14 մայիսի — Sputnik. Ստուգմամբ պարզվել է, որ ոստիկանները տեղաշարժել են մեկ այլ՝ ընտրական գործընթացի հետ որևէ առնչություն չունեցող պահարան: Այս մասին ֆեյսբուքյան իր էջում գրել է ՀՀ ոստիկանության մամուլի քարտուղար Աշոտ Ահարոնյանը։
«Այս իրողությունը հաստատել է նաև ընտրությունների մասնակից «Ելք» դաշինքի ներկայացուցիչը»,- գրել է նա։
Ահարոնյանը Երևանի ավագանու ընտրություններում ներգրավված բոլոր քաղաքական ուժերի, հասարակական և դիտորդական կազմակերպությունների, զանգվածային լրատվամիջոցների ներկայացուցիչներին հորդորել է ձեռնպահ մնալ անստույգ, առավել ևս շինծու տեղեկություններով հանրությանը թյուրիմացության մեջ գցելու գործելակերպից:
