ԵՐԵՎԱՆ, 13 ապրիլի — Sputnik. Խաղի 25-րդ րոպեին Տիագոյի իրացրած անկյունայինից հետո Արթուրո Վիդալը գլխի հուժկու հարվածով բացել է հաշիվը, հայտնում է armsport.am-ը:
Առաջին խաղակեսի ավելացված ժամանակում Վիդալը վրիպել է 11 մետրանոցից:
Երկրորդ խաղակեսի մեկնարկից 2 րոպե անց Ռոնալդուն հավասարեցրել է հաշիվը:
61-րդ րոպեին գերմանական թիմը մնացել է 10 ֆուտբոլիստով. կարմիր քարտ է ստացել Խավի Մարտինեսը:
77-րդ րոպեին Ռոնալդուն դուբլ է ձևակերպել՝ հաղթանակ պարգևելով իր թիմին:
Զինեդին Զիդանի գլխավորած թիմը հսկայական առավելություն ունի պատասխան խաղից առաջ:
«Ռեալը» «Բավարիային» հյուրընկալելու է ապրիլի 18-ին:
