ԵՐԵՎԱՆ, 9 ապրիլի — Sputnik. Հանդիպման 30-րդ րոպեին Զլատան Իբրահիմովիչը բացել է հաշիվը, հայտնում է armsport.am-ը:
Առաջին խաղակեսի ավարտից 2 րոպե առաջ տանտերերը մնացել են 10 ֆուտբոլիստով. կարմիր քարտ է ստացել Լարսոնը:
Երկրորդ կեսի առաջին իսկ րոպեին Հենրիխ Մխիթարյանը սուր անկյունից կատարած հաշվենկատ հարվածով կրկնապատկել է հաշիվը:
78-րդ րոպեին Մխիթարյանը փոխարինվել է՝ խաղադաշտում տեղը զիջելով Անտոնի Մարսիալին։ 89-րդ րոպեին Մարկուս Ռեշֆորդը 3-րդ գնդակն է ուղարկել «Սանդերլենդի» դարպասը:
Այս հաղթանակից հետո Ժոզե Մոուրինյուի գլխավորած թիմը 57 միավորով 5-րդ հորիզոնականում է:
