ԵՐԵՎԱՆ, 7 ապրիլի — Sputnik. Անգլիական «Մանչեսթեր Յունայթեդի» կիսապաշտպան Հենրիխ Մխիթարյանը զրուցել է Եվրոպա լիգայի քառորդ եզրափակչի` բելգիական «Անդերլեխտի» հետ հանդիպման մասին: armsport.am-ը մեջբերել է նրա խւսքը՝ հղում անելով Sky Sports-ին:
«Ընթացիկ մրցաշրջանում իմ նպատակը Եվրոպա լիգայի գավաթը նվաճելն է: Իհարկե, ես գիտեմ, որ ամեն ինչ հեշտ չի լինելու: Մրցաշարի այս հատվածում հեշտ մրցակիցներ չեն լինում: Մենք հասկանում ենք «Անդերլեխտի» հետ հանդիպման կարևորությունը:
Մեզ երկու կոշտ հանդիպումներ են սպասվում:
Գիտեմ, որ որոշ երկրպագուներ կարծում են, թե հեշտ կլինի հաղթել «Անդերլեխտին»: Դա բոլորովին էլ այդպես չէ: Հետևել եմ նրանց մրցելույթներին եվրոպական մրցասպարեզում: Նրանք բավականին լավ ֆուտբոլիստներ ունեն»,- ասել է Մխիթարյանը։
