ԵՐԵՎԱՆ, 22 փետրվարի — Sputnik. Փետրվարի 22-ին և 24-ից 26-ը սպասվում է առանց տեղումների եղանակ, իսկ փետրվարի 23-ի գիշերը շրջանների մեծ մասում կտեղա թույլ ձյուն: Այս մասին տեղեկացնում է ՀՀ ԱԻՆ լրատվական ծառայությունը:
Երկար սպասված տաք հոսանքները հանրապետություն կներթափանցեն փետրվարի 23-ից: Փետրվարի 23-ից 25-ը օդի ջերմաստիճանը կբարձրանա 10-15 աստիճանով:
Քամին՝ հյուսիս-արևելյան՝ 3-8 մ/վ արագությամբ:
Երևան քաղաքում փետրվարի 22-ին, 24-26-ը սպասվում է առանց տեղումների եղանակ, 23-ի գիշերը և առավոտյան ժամերին կտեղա թույլ ձյուն:
Արցախի հանրապետությունում փետրվարի 22-ին կդիտվի պարզ, առանց տեղումների եղանակ: Փետրվարի 23-ի գիշերը հնարավոր են թույլ տեղումներ, 23-ի ցերեկը, 24-ից 26-ը կդիտվի առանց տեղումների եղանակ: Քամին՝ հյուսիս-արևելյան՝ 3-8 մ/վ արագությամբ:
Արցախում օդի ջերմաստիճանն աստիճանաբար կբարձրանա 4-5 աստիճանով:
