ԵՐԵՎԱՆ, 19 փետրվարի — Sputnik. Բժիշկ մականունով իտալահայ քիք-բռնցքամարտիկ Ջորջիո Պետրոսյանը նվաճել է աշխարհի չեմպիոնի տիտղոսը:
W5 վարկածով աշխարհի չեմպիոնի կոչման տիտղոսի համար մղած մարտում Պետրոսյանը պայքարել է գործող չեմպիոն Արտյոմ Պաշպորինի դեմ:
Հաղթանակը հեշտ չի տրվել. մարզիկին օգնել է նաև բազմաթիվ հայերի ներկայությունը, որոնք ամբողջ մենամարտի ընթացքում սատարել են Պետրոսյանին՝ վանկարկելով «Ջորջիո-Ջորջիո»:
Ջորջիո Պետրոսյանը ծնվել է Հայաստանում, 14 տարեկանում ընտանիքով տեղափոխվել է Իտալիա։ Այժմ նա 31 տարեկան է։ Նա Glory World Series-ի գրանպրիի կրկնակի հաղթող է, ճանաչվել է աշխարհի լավագույն քիք-բռնցքամարտիկ՝ անկախ քաշային կարգից։
