ԵՐԵՎԱՆ, 17 հունվարի — Sputnik. Ուկրաինայում ծնվել է աշխարհի առաջին երեխան, որի ԴՆԹ-ն վերցվել է երեք ծնողներից բեղմնավորված ձվաբջիջը դոնորական ձվաբջիջ տեղափոխելու միջոցով: Այդ մասին հաղորդում է Discover24-ը` հղում անելով Վերարտադրողական բժշկության կլինիկայի տնօրեն Վալերի Զուկինին:
Զուկինի խոսքով`ձվաբջջի բեղմնավորումից հետո նրա մեջ երկու միջուկ է ձևավորվում. մեկը մորից, մյուսը` հորից: Այս երկու միջուկները մայրական ձվաբջջից հանվել և տեղափոխվել են դոնորական ձվաբջիջ, որից ավելի վաղ հանել են երկու միջուկ: Այդ գործընթացի անհրաժեշտությունը ծագել է այն պատճառով, որ կինն անպտուղ է եղել:
Զուկինը նաև նշել է, որ հիվանդություն կրող մուտացիայի ենթարկված գեները մնացել են մայրական ձվաբջջում, իսկ դոնորական ձվաբջիջ օգտագործելու շնորհիվ հաջողվել է խուսափել հիվանդությունը երեխային փոխանցելուց:
