ԵՐԵՎԱՆ, 17 հունվարի — Sputnik. Ճանապարհային ոստիկանությունը հորդորում է անբարենպաստ, մառախլապատ եղանակային պայմաններում երթևեկել` հետևելով Ճանապարհային երթևեկության կանոններին։ Ճանապարհային ոստիկանության հայտարարությունը հրապարակվել է Ոստիկանության կայքում։
«Պետք է տրանսպորտային միջոցները վարել եզրաչափային լույսերը, ինչպես նաև լապտերների մոտակա լույսերը, հակամառախուղային լապտերները կամ հետին հակամառախուղային լապտերիկները միացված վիճակում»,- նշված է հաղորդագրության մեջ:
Ճանապարհային երթևեկության կանոնները ըստ սահմանված կարգի չպահպանող վարորդների նկատմամբ կկիրառվեն վարչական ներգործության միջոցներ։
