ԵՐԵՎԱՆ, 17 հունվարի — Sputnik. ՀՀ նախագահ Սերժ Սարգսյանի նկատմամբ նախապատրաստվող հարձակման վերաբերյալ մամուլում առկա տեղեկություններն առայժմ պաշտոնապես ո՛չ հաստատվում, ո՛չ էլ հերքվում են:
ՀՀ Ազգային անվտանգության ծառայությունից Sputnik Արմենիայի հարցին ի պատասխան հայտարարեցին, որ ՀՀ նախագահի նկատմամբ նախապատրաստվող հարձակման մասին որևէ տեղեկություն չունեն և հրաժարվեցին որևէ այլ մեկնաբանություն տալ:
Մինչ այդ մեկնաբանություններից հրաժարվել էր նաև նախագահի մամուլի քարտուղար Վլադիմիր Հակոբյանը:
Հիշեցնենք, նախագահի նկատմամբ նախապատրաստվող հարձակման մասին այսօր տեղեկություն էր հրապարակել «Ժողովուրդ» օրաթերթը՝ նշելով նաև, որ վերջին օրերին ուժեղացվել է նախագահական նստավայրի պահպանությունը:
