ԵՐԵՎԱՆ, 12 հոկտեմբերի — Sputnik. Գագիկ Մելիքյանին Վիկտոր Դալլաքայանի երկվա հայտարարությունը չի զարմացրել: Նրա խոսքով, քաղաքական դաշտ վերադառնալու ցանկություն Դալլաքյանն առաջին անգամ չէ, որ հայտնում է:
«Կարծում եմ, սա վերջին դեպքը չէ, համոզված եմ, որ նա մտնում-դուրս է գալիս իշխանական դաշտից»,- ասաց Մելիքյանը` հիշեցնելով, որ Դալլաքյանը միայն երկու անգամ ՀՀԿ է ընդունվել ու դուրս եկել։
Ինչ վերաբերում է ՀՀ նախագահի աշխատակազմի ղեկավարի՝ արդեն նախկին տեղակալի և ԱԺ-ում նրա ներկայացուցչի շուրթերից Սերժ Սարգսյանի հասցեին հնչած քննադատությանը, ՀՀԿ-ական պատգամավորը դա անբարոյականություն որակեց, ասելով. «քաղաքականության մեջ անբարոյականությունը պարտադիր պայման չպետք է լինի»:
Գագիկ Մելիքյանը չհամաձայնեց նաև այն մեկնաբանության հետ, թե Դալլաքյանը հենց ՀՀԿ-ի ու նախագահականի կողմից է գործուղվում քաղաքական դաշտ:
ՀՀԿ-ական պատգամավորի համոզմամբ, Դալլաքյանն այժմ միայն մեկ նպատակ ունի` դառնալ պատգամավոր:
