ԵՐԵՎԱՆ, 28 սեպտեմբերի — Sputnik. Մոսկվայի առաջնության երկու տուրից հետո գրոսմայստեր Լևոն Արոնյանը ունի 1 միավոր։
Արոնյանը նախ` միավորը կիսել է իսրայելցի Բորիս Գելֆանդի հետ, իսկ երկրորդում ոչ-ոքի է խաղացել ռուս Եվգենի Տոմաշևսկու հետ։
Երկու տուրից հետո Արոնյանը կիսում է չորրորդից-յոթերորդ տեղերը աշխարհի նախկին չեմպիոն Վլադիմիր Կրամնիկի (Ռուսաստան), մեկ այլ ռուս շախմատիստ Պետեր Սվիդլերի և չինացի Լի Չաոյի հետ։
Մոսկվայի ռուսական իմպրեսիոնիզմի թանգարանում ընթացող առաջնությանը մասնակցող տասը շախմատիստներից երեքը աշխարհի լավագույն շախմատիստների տասնյակում են։
