ԵՐԵՎԱՆ, 5 սեպտեմբերի — Sputnik. Թուրքագետ Լևոն Հովսեփյանը հավատացած է, որ Սիրիայում ռազմական գոծողություններ սկսելով, Թուրքիան շատ ավելի խորքային նպատակներ ունի, քան ցույց է տալիս։
Պաշտոնական Անկարայի առաջնային խնդիրը տարածաշրջանում դերակատարումը մեծացնելն է, համոզված է թուրքագետը։
Մարտավարական առումով Թուրքիան ներքաղաքական դաշտում ու արտաքին աշխարհին փորձում է համոզել, որ զինված հեղաշրջման փորձը չի կարող սասանել իր բանակի հիմքը և վճռական առաջ է գնում։
Հնարավոր չէր իրականացնել ռազմական գործողություններ Սիրիայում, եթե չլիներ գերտերությունների համաձայնությունը, կարծում է Լևոն Հովսեփյանը։
Արաբագետ Սարգիս Գրիգորյանի խոսքով էլ, Թուրքիան ցանկանում է ապացուցել, որ սխալ է այն կարծիքը, թե, իբր, միայն քրդերն են կարողանում պայքարել իսլամիստների դեմ։
ՈՒստի, 10 օրից ավելի է՝ ռազմական գործողություններ է իրականացնում Սիրիայում՝ ցանկանալով ստեղծել անվտանգության գոտի։
Միաժամանակ, փորձագետները նշեցիին, որր Սիրիայի հյուսիսում Թուրքիայի ռազմական ներկայությունը կմեծանա, սակայն դա կարող է հանգեցնել այդ երկրի ներսում լրջագույն ճգնաժամի:
