ԵՐԵՎԱՆ, 29 հուլիսի-Sputnik. Քիչ առաջ Խորենացու փողոցում և Սարի թաղում տեղի ունեցած միջադեպի հետևանքով տուժածներ կան, հայտնել է առողջապահության նախարարությունը։
Նախնական տվյալներով՝ շտապօգնության մեքենաներով Երևանի «Սուրբ Գրիգոր Լուսավորիչ» բժշկական կենտրոն է տեղափոխվել տարբեր վնասվածքներ ստացած 20 քաղաքացի, «Հերացի» թիվ 1 համալսարանական հիվանդանոց՝ մեկ, «Արմենիա» հանրապետական բժշկական կենտրոն և «Էրեբունի» բժշկական կենտրոն՝ 7 տուժած:
Բժշկական հաստատությունները շարունակում են ցուցաբերել անհրաժեշտ բուժօգնություն բոլոր դիմողներին:
