ԵՐԵՎԱՆ, 16 հուլիսի-Sputnik. Թուրքիայի իշխանությունները ձերբակալել են շուրջ 2300 հոգու, որոնց կասկածում են ռազմական հեղաշրջում կատարելու մեջ, հաղորդում է Անատոլիական գործակալությունը:
Հաղորդվում է նաև հինգ գեներալի և 29 գնդապետի պաշտոնից ազատելու մասին:
Ավելի վաղ Ռոյթերսը հաղորդել է մոտ 800 հոգու ձերբակալության եւ 60 զոհի մասին:
Ինչպես հաղորդում է ՌԻԱ Նովոստին՝ հղում անելով Ֆրանս Փրեսին, Թուրքիայի բանակի գլխավոր շտաբի պետ Հուլուսի Աքարուի գտնվելու վայրը տվյալ պահին անհայտ է, նրա պարտականությունները հանձնարարվել է կատարել Ումիտ Դունդարին:
Հուլիսի 15-ի ուշ երեկոյան Թուրքիայում կատարվել է ռազմական հեղաշրջման փորձ: Անկարայում խորհրդարանի շենքի և նախագահական նստավայրի վրա նետել են ռումբեր, դատախազության տվյալներով՝ Անկարայում և Ստամբուլում մահացել է ավելի, քան 100 մարդ:
