ԵՐԵՎԱՆ, 16 հուլիսի-Sputnik. Թուրքիայում փակ են բոլոր օդանավակայնները, իշխանությունը զավթած զինվորականները հայտարարել են, որ Թուրքիայի իշխանությունը այլեւս չի կարող կատարել իր լիազորությունները։ Այդ մասին նրանք հաղորդել են TRT հեռուստաընկերության միջոցով:
Այժմ Թուրքիայում ռազմական դրություն է. հայտնում է ՌԻԱ նովոստին։
TRT հեռուստաընկերությունը հաղորդել է, որ Թուրքիան գտնվում է, այսպես կոչված՝ «Խաղաղության խորհրդի» կառավարման ներքո, որը կապահովի բնակչության անվտանգությունը՝ անկախ կրոնական, լեզվի եւ ռասայական պատկանելիությունից։
Հեղաշրջում իրականացրած զինվորականները հայտարարում են, որ իշխանությունը վերցրել են երկրում սահմանադրական նորմերը պահպանելու, մարդկանց ոտնահարված իրավունքները վերականգնելու համար, իսկ Թուրքիայի իշխանությունը պարբերաբար խախտել է օրենքը եւ զբաղվել կոռուպցիայով։
