ԵՐԵՎԱՆ, 10 հուլիսի — Sputnik. Հուլիսի 10-ին երեկոյան հրդեհ է բռնկվել Երևանի կենտրոնում, դեպքի վայրում են գտնվում ՀՀ վարչապետ Հովիկ Աբրահամյանը և ԱԻ նախարար Արմեն Երիցյանը, հայտնում են ՀՀ ԱԻՆ-ից:
Նախապես հաղորդվել էր, որ հրդեհը բռնկվել է ժամը 22.20-ին` ֆինանսների նախարարության շենքի տանիքում։
Այնուհետև պարզվել է, որ հրդեհը բռնկվել է Տիգրան Մեծի 4 հասցեում գտնվող շենքի տանիքում՝ մոտ 1000 քմ մակերեսով:
Դեպքի վայր են մեկնել 13 մարտական հաշվարկ, 2 ավտոսանդուղք, ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը:
Հայտարարվել է հրդեհի բարդության ԲԻՍ 1 աստիճան:
