ԵՐԵՎԱՆ, 25 մայիսի — Sputnik. Հանրապետության տարածքում մայիսի 25-ին առանձին շրջաններում, 26-29-ը` գիշերվա առաջին կեսին և օրվա երկրորդ կեսին շրջանների մեծ մասում սպասվում է կարճատև անձրև և ամպրոպ, 26-29-ը առանձին հատվածներում հնարավոր է կարկուտ, հայտնում են ՀՀ ԱԻՆ-ից:
Քամին կլինի հարավ-արևմտյան` 2-7 մ/վ արագությամբ, ամպրոպի ժամանակ հնարավոր է քամու ուժգնացում` 15-20 մ/վ:
Օդի ջերմաստիճանը 26-ի ցերեկը կբարձրանա 2-3 աստիճանով, այնուհետև էապես չի փոխվի:
Երևանում մայիսի 25-ի երեկոյան ժամերին սպասվում է ամպրոպ, կա կարճատև անձրևի հավանականություն, 26-29-ի գիշերվա առաջին կեսին և երեկոյան ժամերին սպասվում է կարճատև անձրև և ամպրոպ, ամպրոպի ժամանակ` քամու ուժգնացում` 15-20 մ/վ:
Չորեքշաբթի ցերեկը մայրաքաղաքում սպասվում է 26-28, երեկոյան` 21-23 աստիճան տաքություն։
