ԵՐԵՎԱՆ, 12 մայիսի- Sputnik. Եվրասիական տնտեսական միության անդամ երկրների համար ստեղծված են հսկայական և լավ հնարավորություններ առևտրի ծավալներն ավելացնելու համար, ասաց ԵՏՀ Կոլեգիայի անդամ, մակրոէկոնոմիկայի և ինտեգրման հիմնական ուղղությունների նախարար Տատյանա Վալովայան մուլտիմեդիոն մամուլի ասուլիսի ընթացքում։
«Ինչ վերաբերում է Հայաստանի և այլ պետությունների կառավարություններին, ապա նրանք ընդունել են բոլոր անհրաժեշտ որոշումները` ստորագրելով ԵՏՄ-ին Հայաստանի միանալու մասին փաստաթուղթը։ Այսինքն` ստեղծված են լավ հնարավորություններ, իսկապես չկան մաքսային կամ սակագնային սահմանափակումներ, տեխնիկական կարգավորման միասնական համակարգ։ Այդ ամենն արդեն կա»,- ասաց Վալովայան։
Նրա խոսքով` «այժմ հարցն առավելապես բիզնեսի կողմում է», որովհետև ստեղծված են հսկայական հնարավորություններ, որպեսզի առաքողները դուրս գան ինչպես Ռուսաստանի, այնպես էլ միության այլ պետությունների երկրներ։
Նշելով, որ Հայաստանի դեպքում իրավիճակն այլ է, փորձագետը հավելեց, որ ընդհանուր առմամբ ԵՏՄ փոխադարձ առևտուրը նվազել է 17 տոկոսով։
«Օրինակ` Հայաստանից Բելառուս առաքումներն այս տարվա հունվար-փետրվար ամիսներին աճել են 45 տոկոսով անցած տարվա նույն ժամանակահատվածի համեմատ։ Հայաստանից Ղրղըզստան առաքումները նույն շրջանում աճել են չորս անգամ։ Հայաստանից Ռուսաստան առաքումներն այս տարվա հունվար-փետրվարին ավելացել են երկու անգամ։ Ծավալները դեռ փոքր են, բայց աճն անհավանական է»,- ասաց Վալովայան։
«Միաժամանակ, եթե նրանք նրանք բախվեն խնդիրների կամ արգելքների, մենք միշտ ուրախ կլինենք անհրաժեշտ աջակցություն ցուցաբերել ԵՏՄ շրջանակում»,- ընդգծեց Վալովայան։
