ԵՐԵՎԱՆ, 12 մայիսի — Sputnik. Համաձայնագրով նախատեսվում է ՀՀ-ին 30 մլն դոլարի վարկ տրամադրել։ Կառավարության նիստի ժամանակ ֆինանսների նախարար Գագիկ Խաչատրյանն ասաց, որ ծրագրի նպատակն է աջակցել Հայաստանում էլեկտրաէներգիայի մատակարարման համարժեքության և հուսալիության պահպանման ջանքերին՝ էլեկտրաէներգիա արտադրող պետական ընկերությունների և էլեկտրաէներգիայի բաշխիչ մասնավոր ընկերության ֆինանսական վիճակը բարելավելու միջոցով:
«Վարկը տրամադրվելու է 25 տարի մարման ժամկետով, որից 14,5 տարին՝ արտոնյալ պայմաններով»,-ասաց նախարարը։
Այս պահին համաձայնագիրը գտնվում է վավերացման համար անհրաժեշտ ներպետական ընթացակարգերի անցման փուլում, և համաձայն ՀՀ վարչապետի` 2014թ. հոկտեմբերի 7-ի հանձնարարականի` միջպետական միջազգային համաձայնագրերը ՀՀ նախագահի կողմից մինչև ՀՀ սահմանադրական դատարան ուղարկվելը պետք է ներկայացվեն ՀՀ կառավարության հավանությանը:
