ԵՐԵՎԱՆ, 15 մարտի — Sputnik. Էթիկայի հանձնաժողովը քննարկում է ԶԼՄ-ների ներկայացուցիչների դիմումը ՀՀԿ պատգամավոր Մհեր Սեդրակյանի վիրավորական պահվածքի վերաբերյալ, լրագրողներին ասել է հանձնաժողովի ղեկավար Խոսրով Հարությունյանը։
«Այս հարցի վերաբերյալ զեկուցողներ մենք կնշանակենք ավելի փոքր ուշ։ Այսօրվա նիստին չեն մասնակցել Հովհաննես Մարգարյանն ու Թևան Պողոսյանը։ Զեկուցողի մասին որոշումը կընդունվի նրանց հետ քննարկելուց հետո», — ասաց Հարությունյանը։
«Քանի դեռ ես եմ գլխավորում հանձնաժողովը, թույլ չեմ տա, որ այն դատարանի վերածվի։ Մեզ պետք չէ, որ որևէ մեկն այստեղ արդարանա», — ասաց Հարությունյանը։
Փետրվարի 23-ին լրագրողներն ու հասարակական կազմակերպությունների ներկայացուցիչները ԱԺ շենքի մոտ ցույց անցկացրեցին` պահանջելով դատապարտել և պատժել ՀՀԿ իշխող կուսակցությունից պատգամավոր Մհեր Սեդրակյանին։
Սա առաջին դեպքը չէ, որ Սեդրակյանի ու ԶԼՄ-ների ներկայացուցիչների միջև միջադեպ է տեղի ունենում։ 2012 թվականին նա լրագրողներից մեկին սպառնացել է, երբ լրագրողը փորձել է նրան հարց տալ։
