ԵՐԵՎԱՆ, 23 փետրվարի — Sputnik. Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար։
«Այսօր մենք հավաքվել ենք այստեղ, որ դատապարտենք ՀՀԿ-ական պատգամավոր Մհեր Սեդրակյանի պահվածքը։ Պատգամավորը փետրվարի 19-ին լրագրողներին անվանել է «նախիր» և հայհոյել է նրանցից մեկին»,- ասաց ակցիայի կազմակերպիչներից մեկը` Լիլիթ Լալայանը։
Նա հորդորեց պատգամավորներին միանալ իրենց և դատապարտել Սեդրակյանի պահվածքը։ Նրա կարծիքով` լրագրողների նկատմամբ անհարգալից վերաբերմունք է դրսևորվում, ուժ ու սպառնալիք է կիրառվում։
Սա Սեդրակյանի և լրագրողների միջև ծագած առաջին վեճը չէ։ 2012 թվականին նա իրեն հարց ուղղած լրագրողներից մեկին սպառնացել էր պոկել ծնոտը։
Ակտիվիստի կարծիքով` խոսքը միայն Սեդրակյանին չի վերաբերում, այլ` ամբողջ համակարգին, քանի որ եթե այսօր նա է նման պահվածք թույլ տալիս, ապա վաղը նման բան կարող է անել մեկ այլ պատգամավոր։
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/21/2072138_0:0:1600:1004_600x0_80_0_0_9b19c774824f265f54910b9c88a93005.jpg)
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/19/2071985_0:147:1600:1152_600x0_80_0_0_91316d9827b086ae2d959f69abdef823.jpg)
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/20/2072061_0:0:1590:1000_600x0_80_0_0_a8b87222052240e6fdbb0eec928bab68.jpg)
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/23/2072390_0:0:1599:1005_600x0_80_0_0_388735c20cbe658e2e5a5e6463118999.jpg)
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/24/2072475_0:0:1600:1005_600x0_80_0_0_d786a5986df4db2a57a449a8da267724.jpg)
![Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար Լրագրողներն ու ակտիվիստները հավաքվել են Ազգային ժողովի շենքի դիմաց և պահանջում են, որ պատգամավոր Մհեր Սեդրակյանը պատժվի լրագրողների հանդեպ դրսևորած վիրավորական պահվածքի համար - Sputnik Արմենիա](https://cdn.am.sputniknews.ru/img/207/28/2072848_0:0:1599:1004_600x0_80_0_0_02e954f2765629ec84851f3c3e19ff49.jpg)
Լրագրողներից մեկը նշեց, որ պատրաստվում են դիմել դատարան և Էթիկայի հանձնաժողով։
Ցուցարարներին միացան նաև պատգամավորներ Զարուհի Փոստանջյանը, Վահե Էնֆիաջյանը, Նիկոլ Փաշինյանն ու Արամ Մանուկյանը։
«Սա ոչ առաջին, ոչ էլ վերջին դեպքն է։ Տարիներ շարունակ նույն պահվածքն է դրսևորվել։ Դրական եմ համարում այն փաստը, որ լրագրողները պահանջ են ներկայացրել, քանի որ նրանք ազդում են այն մարդկանց հասարակական պահվածքի վրա, ովքեր նման սխալներ են թույլ տալիս»,- ասաց Փոստանջյանը։
Նրա խոսքով` տվյալ դեպքում կարևոր է, որ լրագրողների պահանջները արդյունք ունենան։
«Ցանկալի է, որ սխալ գործած մարդիկ իրենց սխալն ընդունելու ու ներողություն խնդրելու ուժ գտնեն։ Իսկ նման մարդիկ ընդհանրապես պետք է պատգամավոր չլինեն։ Մարդը 5 տարի է` պատգամավոր է, սակայն որևէ ձայն չի արտաբերել ամբիոնից»,- ասաց պատգամավորը։
«Անձամբ ես և «Բարգավաճ Հայաստանը» դատապարտում ենք նման երևույթները, և արդեն հանդես ենք եկել համապատասխան հայտարարությամբ»,- ասաց Էնֆիաջյանը։
Նրա խոսքով` յուրաքանչյուր լրագրող և ՀՀ քաղաքացի պետք է պաշտպանված լինի իր աշխատանքային պարտականությունները կատարելիս։ Որևէ պատգամավոր չպետք է խոչընդոտի, այլ հակառակը` պետք է հարգի ԶԼՄ-ների աշխատանքը։
Արամ Մանուկյանը հորդորեց լրագրողներին օգտագործել իրենց մեծ զենքը՝ խոսափողը, պատգամավորների կողմից հայհոյանքներին արժանանալու դեպքերը կանխելու նպատակով:
«Դուք ունեք խոսափող։ Մեծ զենք է: Մամուլը ձեր ձեռքին է, դրանից լավ գործիք ո՞վ ունի, դրանից մեծ զենք աշխարհում էլ ի՞նչ կա, դրեք, օգտագործեք»,- ասաց Արամ Մանուկյանը։
Նիկոլ Փաշինյանն էլ նշեց, որ լրագրողները մեծ առաքելություն են կատարում և պետք է կառուցել այնպիսի հասարակություն, որտեղ մարդիկ իմանան իրենց իրավունքները և չխախտեն ուրիշներինը։
«Ուրախ եմ լրագրողների՝ իրենց իրավունքները պաշտպանելու այս նախաձեռնության առնչությամբ։ Այս գործում կարող եք մշտապես հույս դնել ինձ վրա», — ասաց Փաշինյանը։