ԵՐԵՎԱՆ, 23 նոյեմբերի- Sputnik. Ղրիմում և Սևաստոպոլում շուրջ 1,646 մլն մարդ առանց էլեկտրականության է մնացել, նշվում է ՌԴ էներգետիկայի նախարարության կայքում։
Ղրիմի Հանրապետությունում առանց էլեկտրականության է մնացել շուրջ 1,396 մլն մարդ, Սևաստոպոլում` շուրջ 250 հազար։
Նշվում է, որ հոսանքազրկվել է սոցիալական նշանակության 300 օբյեկտ, որոնց թվում են դպրոցներն ու մանկապարտեզները։
Ղրիմը ամբողջությամբ հոսանքազրկվել է Ուկրաինայի հարավում էլեկտրահաղորդման գծերի վնասման պատճառով։ Շրջանում արտակարգ իրավիճակ է հայտարարվել։ Ղրիմի կարևոր ենթակառուցվածքներն ու սոցիալական օբյեկտներն Ուկրաինայի հետ էներգամատակարարումը կասեցնելուց հետո միացել են սնուցման վթարային աղբյուրներին։
