ԵՐԵՎԱՆ, 8 հոկտեմբերի– Sputnik. «Տրանսաերո» ավիաընկերությունը պատրաստ է իր վրա վերցնել ավիատոմսերի դրամական միջոցների վերադարձը, որոնք ձևակերպվել են գործակալների կողմից միայն այն դեպքում, եթե ուղևորը ձևակերպել է վերադարձի հայտարարությունը գործակալի մոտ և մերժում ստացել, նշվում է ավիաընկերության կայքում։
«Վերջին օրերին հաճախակի են դարձել գործակալների կողմից «Տրանսաերո» ավիաընկերության ավիատոմսերի համար ուղևորներին դրամական միջոցները վերադարձնելու դեպքերը։ Այդ իրավիճակը մտահոգություն է առաջացնում ավիափոխադրողի մենեջմենթի մոտ, քանի որ գործակալությունները զբաղվել են ավիատոմսերի վաճառքով, «Տրանսաերո» ավիաընկերությունից ստացել են գործակալական վարձատրություն և վերադարձը մերժելու հիմքեր չունեն»,– նշվում է հաղորդագրությունում։
Ավիաընկերությունում նշում են, որ նման իրավիճակում ուղևորը կարող է դիմել «Տրանսաերոյի» սեփական վաճառքի գրասենյակներ փաստաթղթերով, որոնք կհաստատեն գործակալների կողմից վերադարձի մերժումը։ Այդ հարցերն ուղևորների հետ կորոշվեն անհատական կարգով։
Վերադարձի կանոնները տեղադրված են «Տրանսաերոյի» և «Աերոֆլոտի» կայքերում, ինչպես նաև սոցիալական կայքերում։
«Տրանսաերո» խոշորագույն մասնավոր ռուսական ավիաընկերությունը չի կարող սպասարկել լիզինգային պարտավորությունների հետ միասին մոտ 250 միլիարդ ռուբլի կազմող պարտքերը: Պետական «Աերոֆլոտին» «Տրանսաերոյի» բաժնետոմսերի 75 տոկոսը փոխանցելու` կառավարության հավանությանն արժանացած առողջացման ծրագիրը տապալվեց: Վարկատուները դիտարկում են ավիաընկերության սնանկացման միակ տարբերակը:
