ԵՐԵՎԱՆ, 7 հոկտեմբերի — Spuntik. Հայ ուղևորները, ովքեր «Տրանսաերո» ավիաընկերության չվերթերի տոմսեր են ձեռք բերել, իրենց մտահոգությունն են արտահայտում ընկերությունում ստեղծված իրավիճակի շուրջ` անհանգստանալով, թե կկարողանա՞ն, արդյոք, հասնել նշանակության վայր։
«Տրանսաերո» ռուսական մասնավոր ավիաընկերությունն ի վիճակի չի եղել սպասարկել պարտքերը, որոնք լիզինգային պարտավորությունների հետ միասին կազմել են շուրջ 250 մլրդ ռուբլի։
Սեպտեմբերին կառավարության հաստատած պլանը` «Տրանսաերոյի» բաժնետոմսերի 75 տոկոսը պետական «Աերոֆլոտին» հանձնելու մասին հետագա բարելավման համար, ձախողվել է։ Վարկատուները դիտարկում են ընկերության սնանկության տարբերակը։ Ալֆա–բանկն ու Սբերբանկն արդեն հայտարարել են, որ դատարան դիմելու մտադրություն ունեն։
7 հոկտեմբերի 2015, 11:26
Մասնավորապես, Facebook սոցիալական ցանցում հայտնվել է #Transaero հեշթեգով գրառում։
«Մարդիկ, ո՞վ է լսել, որ «Տրանսաերոն» սնանկացել է։ Ես դեկտեմբերի 28–ի տոմս ունեմ Սանկտ–Պետերբուրգ–Մոսկվա–Երևան, ի՞նչ է լինելու։ Տոմսը վերադարձի ենթակա չէ»,– գրում է «Տրանսաերոյի» ուղևորը։
Նա ցանկանում է իմանալ` պարտավո՞ր է, արդյոք, զբոսաշրջային գործակալությունը չվերթերի չեղյալ հայտարարելու դեպքում իրեն նոր տոմսեր տրամադրել։
«Տրանսաերո» ավիաընկերությունը, հաշվի առնելով ֆինանսական բարդ իրավիճակը, իր կայքում գործարկել է երկու օր առաջ չվերթերի կարգավիճակը ստուգող ծառայություն։
«Մարդիկ, ո՞վ է լսել, որ «Տրանսաերոն» սնանկացել է։ Ես դեկտեմբերի 28–ի տոմս ունեմ Սանկտ–Պետերբուրգ–Մոսկվա–Երևան, ի՞նչ է լինելու։ Տոմսը վերադարձի ենթակա չէ»,– գրում է «Տրանսաերոյի» ուղևորը։
Նա ցանկանում է իմանալ` պարտավո՞ր է, արդյոք, զբոսաշրջային գործակալությունը չվերթերի չեղյալ հայտարարելու դեպքում իրեն նոր տոմսեր տրամադրել։
«Տրանսաերո» ավիաընկերությունը, հաշվի առնելով ֆինանսական բարդ իրավիճակը, իր կայքում գործարկել է երկու օր առաջ չվերթերի կարգավիճակը ստուգող ծառայություն։
