ԵՐԵՎԱՆ, 28 սեպտեմբերի – Sputnik. Կատալոնիայի անկախության համար մղվող պայքարի ելքը դեռ հստակ չէ, կարծում է Արևելագիտության ինստիտուտնի տնօրեն Ռուբեն Սաֆրաստյանը։
Նախորդ կիրակի Կատալոնիայում անցկացված ընտրության ժամանակ Junts pel Si կոալիցիան, քվեաթերթիկների մոտ 99 տոկոսի հաշվարկի արդյունքում, 62 տեղ է ստացել ինքնավար շրջանի խորհրդարանում։ «Ժողովրդական միասնության թեկնածության» տասը մանդատների հետ միասին դա ինքնավարության առանձնացման կողմնակիցներին ապահովում է 72 մանդատ, այսինքն` բացարձակ մեծամասնություն։ Սակայն ընտրության ընթացքում այս երկու քաղաքական ուժերի օգտին քվեարկել է ընտրողների 47,8 տոկոսը, այսինքն` կեսից պակասը։
«Սպասվում է, որ ընտրության ընթացքում քվեների մեծամասնության ստացած կոալիցիայի կողմնակիցները կկարողանան միավորել իրենց ջանքերն ու Կատալոնիան Իսպանիայի կազմից դուրս բերելու օրինական ճանապարհ գտնել», –ասաց Սաֆրաստյանը։
Ընտրության մասնակիցների թիվը վերջին 30 տարվա ընթացքում ռեկորդային է եղել` 77 տոկոս։
Կատալոնիայի կառավարությունը` Արթուր Մասի ղեկավարությամբ, կիրակի անցկացված ընտրությունը «համաժողովրդական» է որակել։ Այսինքն` անկախության կողմնակից կուսակցությունների մանդատների մեծամասնությունը ստանալուց հետո նրանք պատրաստվում են «Իսպանիայից առանձնանալու գործընթաց» սկսել` ձևավորել կառավարություն, մշակել օրենսդրություն, ընդունել սահմանադրություն։ Նրանց ծրագրի համաձայն, անկախությունը կարող է հռչակվել 18 ամսից։ Իսպանիայի իշխանությունը չի ընդունում ընտրության «համաժողովրդական» լինելը և հայտարարում է, որ խոսքը սովորական խորհրդարանական ընտրության մասին է։
Ընտրության մասնակիցների թիվը վերջին 30 տարվա ընթացքում ռեկորդային է եղել` 77 տոկոս։
Կատալոնիայի կառավարությունը` Արթուր Մասի ղեկավարությամբ, կիրակի անցկացված ընտրությունը «համաժողովրդական» է որակել։ Այսինքն` անկախության կողմնակից կուսակցությունների մանդատների մեծամասնությունը ստանալուց հետո նրանք պատրաստվում են «Իսպանիայից առանձնանալու գործընթաց» սկսել` ձևավորել կառավարություն, մշակել օրենսդրություն, ընդունել սահմանադրություն։ Նրանց ծրագրի համաձայն, անկախությունը կարող է հռչակվել 18 ամսից։ Իսպանիայի իշխանությունը չի ընդունում ընտրության «համաժողովրդական» լինելը և հայտարարում է, որ խոսքը սովորական խորհրդարանական ընտրության մասին է։
