Քարդաշյանների մասին պատմող հեռուստաշոուի հերթական դրվագում կցուցադրվի նրանց հայաստանյան այցը (ՏԵՍԱՆՅՈՒԹ)

ԵՐԵՎԱՆ, 19 սեպտեմբերի– Sputnik. Քարդաշյանների ընտանիքի մասին պատմող Keeping Up With the Kardashians շոուի հերթական մասը կցուցադրվի սեպտեմբերի 20-ից։ Քարդաշյան ընտանիքի երկրպագուները կկարողանան հատվածներ տեսնել նրանց հայաստանյան այցից, գրում է latinpost.com-ը։

Ամերիկյան բարձրաշխարհիկ հասարակության ներկայացուցիչ, ռեալիթի–շոուի աստղ, դերասանուհի, հայազգի ֆոտոմոդել Քիմ Քարդաշյանը Երևան էր ժամանել ապրիլին ամուսնու` հայտնի ռեփեր Քանյե Ուեսթի, դստեր` Նորթի և քրոջ` Քլոեի հետ։

Հայաստան կատարած այցի առիթը Հայոց ցեղասպանության 100-րդ տարելիցն էր։ Քարդաշյանները Հայաստանում նկարահանեցին նաև «Քարդաշյանների ընտանիքը» (Keeping Up with the Kardashians) ռեալիթի–շոուի հերթական դրվագը, որը նվիրված էր Քիմի արմատներին։