Տիեզերքում հզոր պայթյուն տեղի կունենա երկու սև խոռոչների ձուլման պատճառով

ԵՐԵՎԱՆ, 18 սեպտեմբերի– Sputnik. Երկու հսկայածավալ սև խոռոչները, որոնք պտտվում են միմյանց շուրջ Կույսի համաստեղությունում, կարող են բախվել, ինչը պատճառ կհանդիսանա Տիեզերքում ամենահզոր պայթյուններից մեկի համար։ Ինչպես գրում է Lenta.ru–ն, նման եզրակացության են հանգել ամերիկյան աստղագետները` Nature ասմագրում հոդվածի հեղինակները։

Սև խոռոչների բախում պետք է սպասել միլիոն տարուց քիչ, և դրա արդյունքում գոյացած էներգիան 100 միլիոն անգամ ավելի շատ կլինի, քան գերնոր պայթյունի դեպքում։

Այդ զույգին (PG 1302-102) աստղագետները նկատել են 2015թ.–ի հունվարին` ուշադրություն դարձնելով գալակտիկայի կենտրոնում ուլտրամանուշակագույն ճառագայթման վառ կետին։ Սև խոռոչներից մեկը թռչելով անցնում է երկրորդից հինգ տարին մեկ անգամ ուղեծրով: Ժամանակի հետ նրանք ավելի են մոտենում միմյանց` առաջացնելով ալիքներ տարածություն–ժամանակում։

Սև խոռոչներից ավելի վառ խոռոչը պտտվում է արագությամբ, որը հասնում է լույսի արագության յոթ տոկոսին։ Աստղագետները պարզել են, թե նման արագություններն ինչ արդյունք են տալիս ուլտրամանուշակագույն ճառագայթման մեջ։ Հոդվածի հեղինակներից մեկը համեմատում է այդ արդյունքն էլեկտրական լամպի հետ, որը մերթ 100 վատտ լույս է տալիս, մերթ 60 կամ 20։

Շատ սև խոռոչներ իրենց էվոլյուցիայի ընթացքում կարող են ձուլվել միմյանց հետ։