ԵՐԵՎԱՆ, 17 սեպտեմբերի – Sputnik. Հայաստանի կառավարությունը հինգշաբթի կայացած նիստում որոշում է կայացրել ուսումնասիրել Liormand Holdings Limited կազմակերպության «Հյաստանի էլցանցեր» ՓԲԸ–ն վաճառելու վերաբերյալ «Ինտեր ՌԱՕ ՀԷՑ» ԲԲԸ հոլդինգի հայտը։
«Հաշվի առնելով Հայաստանի կառավարությանն ուղղված Liormand Holdings Limited կազմակերպության «Հայաստանի էլցանցեր» ՓԲԸ–ի իրեն պատկանող բաժնետոմսերի 100% վաճառքի վերաբերյալ «Ինտեր ՌԱՕ» հոլդինգի հայտը, առաջարկվում է Հայաստանի էներգետիկայի, արդարադատության, ֆինանսների և էկոնոմիկայի նախարարներին, ինչպես նաև ՀԾԿՀ–ին հանձնարարել ուսումնասիրել համաձայնագիրն ու համապատասխան եզրակացություն տալ», – ասել է ՀՀ էներգետիկայի և բնական ռեսուրսների նախարար Երվանդ Զախարյանը։
Զախարյանը խնդրել է վարչապետ Հովիկ Աբրահամյանին երեք օր տալ խմբագրական հարցերը լուծելու համար։
Հայաստանի էկոնոմիկայի նախարար Կարեն Ճշմարիտյանը` պատասխանելով լրագրողների այն հարցեին, որ կազմակերպությունը գրանցված է Կիպրոսի օֆշորային գոտում, պատասխանել է, որ դեռևս ոչ մի տեղեկություն չունի։
«Հայաստանի էլեկտրական ցանցեր» ՓԲԸ–ն «ԻՆՏԵՐ ՌԱՕ ԵԷՍ» ՓԲԸ–ի 100 տոկոսանոց դուստր ընկերությունն է։ Ընկերության հիմնական ուղղությունը էլեկտրաէներգիայի բաշխումն է Հայաստանի սպառողներին, այդ թվում` բնակչությանը։ Ընկերությունը նաև Վրաստան և ԼՂՀ էլեկտրաէներգիայի արտահանման արտոնագիր ունի։
