ԵՐԵՎԱՆ, հուլիսի 21– Sputnik. Sputnik-Արմենիա կայքի այցելուների շուրջ 41,2 տոկոսը Հայաստանում էլեկտրաէներգիայի սակագների բարձրացման խնդրի լուծումը տեսնում է «Հայաստանի Էլցանցեր» ընկերության ազգայնացման մեջ։ Դա են վկայում հուլիսյան հարցախույզի արդյունքները, որն անցկացրել է Sputnik-Արմենիա կայքը։
Sputnik-Արմենիա կայքը Երևանում անցկացված բողոքի ակցիաների բուռն ֆոնին հարցում է անցկացրել, որպեսզի պարզի, թե ինչ կարծիք ունեն քաղաքացիները էլեկտրաէներգիայի սակագնի աճի հետ կապված խնդրի լուծման ուղիների հարցում։
Հարցման արդյունքների համաձայն, հարցվածների 41,2 տոկոսը քվեարկել է «Հայաստանի էլեկտրական ցանցեր» ընկերության ազգայնացման օգտին։ Հարցվածների 23,5 տոկոսից ավելին կողմ է ՀԷՑ–ի վաճառքին։ Միաժամանակ հարցվածների 14,7 տոկոսն աջակցել է ընկերության մենեջմենթի փոփոխությանը և 8,8 տոկոսը կողմ է եղել ՀԾԿՀ–ի` էլեկտրաէներգիայի սակագնի ավելացման մասին որոշման վերանայմանը։
ՀԾԿՀ–ի հաստատած է նոր սակագնի ընդունման օգտին քվեարկել է ավելի քան 5,8 տոկոսը։
ՀԾԿՀ–ն հունիսի 17–ին էլեկտրաէներգիայի սակագնի բարձրացման մասին որոշում էր ընդունել։ Ըստ որոշման` օգոստոսի 1–ից սակագինը 1 կՎտ/ժ–ի դիմաց կբարձրանա 6,93 դրամով (մոտ 16,7 տոկոսով)։ Ընդ որում` ՀԷՑ–ն իր հայտում առաջարկում էր սակագինը բարձրացնել 40,8 տոկոսով։
ՀԾԿՀ–ի նման որոշումը դժգոհության և վրդովմունքի ալիք բարձրացրեց բնակչության շրջանում։ Եվ արդեն հունիսի 19–ին «Ո′չ թալանին» քաղաքացիական նախաձեռնության կազմակերպած բողոքի ակցիայի մասնակիցները հայտարարեցին Երևանի Ազատության հրապարակում եռօրյա նստացույցի անցկացման մասին` նախազգուշացնելով, որ իրենց պահանջները չկատարելու դեպքում հունիսի 22–ին նրանք կուղղվեն նախագահի նստավայր։ Հունիսի 23–ի վաղ առավոտյան ոստիկանները հատուկ տեխնիկայի օգնությամբ ցրեցին ցուցարարներին։ Տուժեց մոտ 25 մարդ:
Հարցում. Sputnik–Արմենիայի այցելուների 41,2%–ը կողմ է Էլցանցերի ազգայնացմանը
© АРКА
Բաժանորդագրվել
Sputnik-Արմենիա կայքը Երևանում տեղի ունեցած էլեկտրաէներգիայի թանկացման դեմ բողոքի ակցիաների և բուռն քննարկումների ֆոնին հարցում է անցկացրել` խնդրի լուծման ուղիների մասին քաղաքացիների կարծիքը պարզելու համար։
