ԵՐԵՎԱՆ, 15 սեպտեմբերի – Sputnik. Ամերիկահայ բարձրաշխարհիկ հասարակության ներկայացուցիչ Քիմ Քարդաշյանը ստեղծել է www.kimkardashianwest.com կայքը, որտեղ նա պատմելու է իր և իր հետաքրքրությունների մասին։
Այդ մասին հեռուստաաստղը պատմել է Twitter–ի իր էջում և կայքում իր առաջին գրառումն է արել, որտեղ խնդրել է օգնել իրեն Քարին Ռոյթֆելդի (2001-2011 թվականներին Vogue ամսագրի ֆրանսերեն տարբերակի նախկին գլխավոր խմբագիր) հետ առաջիկա ընթրիքի համար զգեստ ընտրել։
Կայքում նաև ներկայացված են լինելու Քիմի կոսմետիկայի նորույթները, դիմահարդարման դասընթացներն ու հղիների համար նորաոճ զգեստները, դստեր` Նորթի մասին պատմություններն ու նրա լուսանկարները, ինչպես նաև Քիմի և նրա մտերիմների լուսանկարները։
