Հանրապետության տարածքում մոտակա օրերին ջերմաստիճանը կնվազի

ԵՐԵՎԱՆ, 15 սեպտեմբերի–Sputnik. Հանրապետության տարածքում օդի ջերմաստիճանը կնվազի 3–4 աստիճանով, հայտնում է Հայպետհիդրոմետը։

Սեպտեմբերի 15-ին, 19-ին առավելապես հյուսիսային շրջաններում, 16-17-ին հյուսիսային և արևելյան շրջաններում, 18-ին շրջանների զգալի մասում` երեկոյան ժամերին և գիշերը սպասվում է կարճատև անձրև և ամպրոպ:

Քամին կլինի հարավ-արևելյան` 2-5 մ/վրկ, ամպրոպի ժամանակ սպասվում է քամու ուժգնացում` 15-20մ/վրկ:

Մայրաքաղաքում սեպտեմբերի 15-17-ին, 19-ի երեկոյան ժամերին սպասվում է ամպրոպ, կա կարճատև անձրևի հավանականություն, 18-ի երեկոյան ժամերին, 19-ի գիշերը սպասվում է կարճատև անձրև և ամպրոպ:

Այսօրվանից մինչև ամսի 19-ը Երևանում ջերմաստիճանն աստիճանաբար կիջնի 3-4 աստիճանով։ Այսօր Երևանում ցերեկը սպասվում է 31-33 աստիճան, երեկոյան` 26-28։