ԵՐԵՎԱՆ, 4 սեպտեմբերի — Sputnik. Սպունգ Բոբը և Բիկինի Բոթըմ խաղաղօվկիանոսյան ստորջրյա քաղաքի մյուս բնակիչներն առաջին անգամ մեծ բեմ «դուրս կգան» 2016 թվականի հունիսին` Չիկագոյի Արևելյան թատրոնում, հայտնում է www.vokrugsveta.ru–ն։
The SpongeBob Musical ներկայացման բեմադրությամբ կզբաղվի ամերիկացի դրամատուրգ և թատերական ռեժիսոր Թինա Լանդաուն, իսկ երաժշտությունը կգրեն Սթիվեն Թայլերը, Ջո Փերին (Aerosmith) և Դևիդ Բոուին։ Ինչպես պարզվել է, նրանք բոլորը մուլտֆիլմի մեծ երկրպագուներ են։
Սյուժեն և դերասանական կազմն առայժմ հայտնի չեն։ Սակայն հեղինակները խոստանում են, որ հեռուստադիտողներին սպասում են օրիգինալ պատմություններ, որոնք ներդաշնակ կերպով ընդգրկված են մուլտֆիլմի ընդհանուր սյուժեում։
«Սպունգ Բոբ Քառակուսի Տաբատ» հայտնի մուլտսերիալը սիրված է ոչ միայն երեխաների, այլ նաև բազմաթիվ մեծահասակների շրջանում։ Գլխավոր կերպարի` զվարճալի Բոբի հեղինակը ծովակենսաբան և անիմատոր Սթիվեն Հիլենբերգը։ Երևակայական Բիկինի Բոթըմ քաղաքի պատմությունն առաջին անգամ ցուցադրվել է Nickelodeon հեռուստաալիքով 1999 թվականի հուլիսի 17–ին, այդ պահից թողարկվել է մուլտֆիլմի 9 սեզոն։ Դրա մոտիվներով նկարահանվել է երկու լիամետրաժ ֆիլմ 2004 և 2015 թվականներին։
Ի դեպ, 2011 թվականին Բորնեո կղզու ջունգլիներում գտնվել է մի սունկ, որն անվանել են Սպունգ Բոբի պատվին։ Spongiforma squarepantsii արտասովոր սունկն արտաքինից նման է ծովասպունգի։
Դևիդ Բոուին և Aerosmith–ը երգեր կգրեն Սպունգ Բոբի մասին մյուզիքլի համար
13:37 04.09.2015 (Թարմացված է: 14:01 04.09.2015)
Բաժանորդագրվել
Բեմադրության երգերի հեղինակները կլինեն Դևիդ Բոուին և Aerosmith ռոք խմբի մենակատար Սթիվեն Թայլերը
