ԵՐԵՎԱՆ, 13 օգոստոսի – Sputnik. Էքստրասենսի սպանության մեջ մեղադրվող 20-ամյա Մուշեղ Մխիթարյանը չի ընդունում իր նկատմամբ առաջադրվող մեղադրանքները, «Հայկական ժամանակ» թերթի թղթակցին հայտնել է կասկածյալի փաստաբան Արտակ Գարոյանը։
Նա ավելացրել է, որ վերաքննիչ քրեական դատարան բողոք է ներկայացրել` պահանջելով բեկանել և փոփոխել առաջին ատյանի դատարանի որոշումը` իր պաշտպանյալի նկատմամբ որպես խափանման միջոց կալանավորումը ընտրելու մասին։
«Վեցերորդ զգայարան» հայտնի շոուի մասնակից, 55–ամյա Անի Մաջնունյանին օգոստոսի 5–ին սեփական բնակարանում սպանված էին գտել։ Մաջնունյանի մարմնի վրա դատաբժշկական փորձագետները գտել էին 58 վնասվածք։
Մաջնունյանի սպանության մեջ մեղադրվող Երևանի 20–ամյա բնակիչ` Մուշեղ Մխիթարյանին մեղադրանք է ներկայացվել ՔՕ 104–րդ հոդվածի երկրորդ մասի ութերորդ կետի հատկանիշներով (սպանություն` զուգորդված թալանով)։
Էքստրասենսի սպանության կասկածյալը չի ընդունում իր մեղքը
14:15 13.08.2015 (Թարմացված է: 14:20 13.08.2015)
© Sputnik / Сергей Венявский
/ Բաժանորդագրվել
Էքստրասենսի սպանության մեջ մեղադրվող պաշտպանյալի փաստաբանը ուզում է կալանքից ազատել
