ԵՐԵՎԱՆ, 7 օգոստոսի– Sputnik. Երեկ Ոստիկանության Երևան քաղաքի վարչության քրեական հետախուզության բաժնի, Ոստիկանության քրեական հետախուզության գլխավոր վարչության և ոստիկանության Մաշտոցի բաժնի աշխատակիցները, Հայաստանի քննչական կոմիտեի Երևանի քննչական վարչության Աջափնյակ և Դավթաշեն վարչական շրջանների քննչական բաժինը, իրացնելով օպերատիվ հետախուզական տվյալները, Երևան քաղաքի ոստիկանության վարչություն բերման են ենթարկել երիտասարդ զույգի:
Ինչպես հայտնում է shamshyan.com-ը, նշված անձինք կասկածվում են օգոստոսի 5-ին, Երևան քաղաքի Մազմանյան-5 շենքի բնակչուհի, «6-րդ զգայարան» հաղորդման էքստրասենս Անի Մաջնունյանին առանձնակի դաժանությամբ սպանելու մեջ: Աղջիկը չի ճանաչել էքստրասենսին, իսկ տղան մտերիմ է եղել Անիի հետ և երբեմն այցելել է նրա տուն:
Տղայի անունը Մուշեղ է, իսկ աղջկա անունը՝ Աննա:
53-ամյա Անի Մաջնունյանի դիակի վրա եղել են բազմաթիվ ծակած-կտրած վնասվածքներ:
