ԵՐԵՎԱՆ, 2 մայիսի – Sputnik. Իտալիայի նախագահ Սերջիո Մատարելան հորդորել է զերծ մնալ Ռուսաստանի նկատմամբ բացասական վերաբերմունք տարածելուց: Այս մասին նա հայտարարել է «Դավիթ դի Դոնաթելո» ազգային կինոմրցանակաբաշխության թեկնածուների առաջադրման արարողության ժամանակ, փոխանցում է ՌԻԱ Նովոստին։
«Մշակույթը կանգ չի առնում։ Անգամ պատերազմի առջև։ Մշակույթը միավորում է։ Այն ջնջում է սահմանները... և հիմնարար նշանակություն ունի խաղաղության պայմանների վերստեղծման համար»,- հայտարարել է Իտալիայի նախագահը։
Մատարելայի կարտակ դնել հոգևոր և մշակութային կապերը, որոնք դարեր շարունակ ամուր միահյուսվել են Եվրոպայի մշակութային աշխարհում»:
«Տեղին վրդովմունքն ու դատապարտումը, իհարկե, չեն կարող վերաբերել մշակույթին, անցյալի հոգևոր մեծ ուժերին և նրանց ստեղծագործություններին, որոնք այդքան շատ բան են տվել ամբողջ աշխարհի քաղաքակրթությանը։ Դա բարդ և անարդյունավետ կլիներ մեր Իտալիայի և մեր Եվրոպայի համար»,- ասել է Իտալիայի նախագահը։
Նշենք, որ Ուկրաինայում հատուկ գործողություն սկսելուց հետո, բացի տնտեսական պատժամիջոցներ սահմանելուց, արևմտյան շատ երկրներ նաև չեղյալ հայտարարեցին ռուսական մշակույթի հետ կապված միջոցառումները, աշխատանքից ազատվեցին Արևմուտքում աշխատող որոշ մշակութային գործիչներ, որոնք հրաժարվում էին մեղադրել ՌԴ-ին ստեղծված իրավիճակում։